ليت العمر يهدى ..

ليت العمر يهدى .. أبهديك عمري

تستاهـل الأيـام يـا زهـو الأيـام

لو الهوى المحبوس في جوف صدري

يظهـر على العالم غشّـى العالم هيـام

فينـي غـرامٍ فـوق محمول صبـري

وفينـي خيـالٍ فـوق تصوير الأحـلام

صباحي أسرح لك وفي ليلي أسري

وإلى هجع فكري خفوق الهوى قام

والله مـالي غيـر الأشـواق عـذرِ

واللي عرف شوق المواليف مـا لام

يامن يبيع الصبر يا ناس واشري

محتاج كل الصبر وأصخي بالاقيام

يامالك أمري وش نواياك بامري

ارحم خفوقٍ عن هوى غيركم صام

حالي غدا مثل المساويك مبـري

يا باريٍ حالي ترى البعد ظـلاّم

أدري بحالك وانت بالحال تدري

يالله عسى ذا العام أحسن من العام